‘द बॉलीवूड पार्क शो’च्या तयारीला वेग .!

‘द बॉलीवूड पार्क शो’च्या तयारीला वेग; सांस्कृतिक कार्यमंत्री आशिष शेलार यांच्यासोबत आढावा बैठक संपन्न .. भारतीय चित्रपटसृष्टीचा गौरवशाली इतिहास, पडद्यामागील कलाकारांचे योगदान आणि मनोरंजनाचा अनोखा संगम घडविणार .!

मुंबई (ब्यूरो) : आगामी ‘द बॉलीवूड पार्क शो’च्या नियोजनाच्या दृष्टीने राज्याचे माननीय सांस्कृतिक कार्यमंत्री श्री. आशिष शेलार साहेब यांच्या उपस्थितीत महत्त्वपूर्ण आढावा बैठक संपन्न झाली. या बैठकीत शोच्या संकल्पनेबाबत, नियोजनाबाबत तसेच भारतीय चित्रपटसृष्टीचा समृद्ध इतिहास आणि मनोरंजनविश्वातील विविध पैलू प्रेक्षकांसमोर प्रभावीपणे सादर करण्याच्या दृष्टीने चर्चा करण्यात आली.
या बैठकीला ‘द बॉलीवूड पार्क शो’चे दिग्दर्शक तथा ‘तारक मेहता का उल्टा चष्मा’ आणि ‘द कपिल शर्मा शो’ यांसारख्या लोकप्रिय विनोदी कार्यक्रमांच्या दिग्दर्शनाचा अनुभव असलेले ज्येष्ठ दिग्दर्शक श्री. धरमपाल ठाकूर उपस्थित होते. त्यांच्या अनुभवाचा आणि मनोरंजन क्षेत्रातील कार्याचा विचार करता, या शोच्या सादरीकरणाला अधिक प्रभावी स्वरूप देण्याच्या दृष्टीने त्यांच्या सहभागाला विशेष महत्त्व आहे.
‘द बॉलीवूड पार्क शो’ ही केवळ मनोरंजनाची संकल्पना नसून भारतीय चित्रपटसृष्टीच्या गौरवशाली प्रवासाची ओळख करून देणारा एक अनोखा उपक्रम ठरण्याची अपेक्षा आहे. भारतीय चित्रपटसृष्टीने अनेक दशकांपासून देश-विदेशातील प्रेक्षकांच्या मनावर अधिराज्य गाजवले आहे. या प्रवासात अभिनेते, दिग्दर्शक, लेखक, छायाचित्रकार, संगीतकार, तंत्रज्ञ आणि पडद्यामागे कार्य करणाऱ्या असंख्य कलाकारांचे मोलाचे योगदान राहिले आहे. या सर्वांच्या कार्याचा गौरव करत चित्रपटसृष्टीतील विविध पैलू प्रेक्षकांपर्यंत पोहोचविण्याचा प्रयत्न या शोच्या माध्यमातून करण्यात येणार आहे.
विशेषतः चित्रपट निर्मितीच्या प्रक्रियेतील बारकावे, मनोरंजनविश्वातील अनुभव, कलात्मक सादरीकरण आणि प्रेक्षकांना आकर्षित करणारे विविध घटक यांचा समन्वय साधल्यास हा शो प्रेक्षकांसाठी एक वेगळा अनुभव ठरू शकतो. याच पार्श्वभूमीवर आढावा बैठकीत शोच्या पुढील नियोजनासंदर्भात चर्चा करण्यात आली.
ज्येष्ठ दिग्दर्शक श्री. धरमपाल ठाकूर यांना लोकप्रिय विनोदी कार्यक्रमांच्या माध्यमातून व्यापक प्रेक्षकवर्गाचा अनुभव लाभला आहे. त्यामुळे त्यांच्या दिग्दर्शनातील अनुभवाचा उपयोग करून ‘द बॉलीवूड पार्क शो’ अधिक रंजक, दर्जेदार आणि प्रभावी बनविण्याच्या दृष्टीने प्रयत्नांना महत्त्व प्राप्त झाले आहे.
भारतीय चित्रपटसृष्टीच्या परंपरेचा सन्मान राखत आधुनिक मनोरंजनाच्या संकल्पनांची सांगड घालणारा ‘द बॉलीवूड पार्क शो’ हा उपक्रम चित्रपटप्रेमी, कलारसिक आणि मनोरंजन क्षेत्रात रुची असलेल्या प्रेक्षकांसाठी आकर्षणाचे केंद्र ठरू शकतो. या शोच्या माध्यमातून भारतीय सिनेसृष्टीचा वारसा, कलावंतांचे योगदान आणि मनोरंजन क्षेत्रातील वैविध्यपूर्ण अनुभव यांना एकाच व्यासपीठावर आणण्याची संकल्पना शो चे संचालक - निर्माते मा.श्री संतोष मिजगर जी महत्त्वपूर्ण मानत आहे.
आगामी काळात या शोच्या नियोजनाला अधिक गती मिळण्याची अपेक्षा असून, भारतीय चित्रपटसृष्टीचा समृद्ध वारसा नव्या पिढीपर्यंत पोहोचविण्याच्या दृष्टीने ‘द बॉलीवूड पार्क शो’कडे मनोरंजन क्षेत्राचे लक्ष लागले आहे.