नागपुर (वि. प्र.) - डॉ.रमणिक एस. लेनगुरे, ग्रंथपाल, रेणुका कॉलेज, बेसा, नागपूर, येथे कार्यरत आहेत. ते पिच.डी गाईड, इंडरनॅशनल जरनल चे एडिटर, प्रसिद्ध विचारवंत, उत्कृष्ठ समाजसेवक, संशोधक, करीअर व स्पर्धा परिक्षा कॉन्सीलर, नावीण्यपूर्ण उपक्रम राबविणारे ग्रंथपाल, वर्ड रिकॉर्ड होल्डर कवी, वाचन चळवळीचे पुरस्कर्त, नाविण्यपुर्ण उपक्रम राबविणारे ग्रंथपाल, प्रेरणादायी मागदर्शक, हेल्थ कोच, मराठी साहित्य मंडळाचे नागपूर शहर अध्यक्ष तसेच विश्व मानवाधिकार संस्थेचे आंतरराष्ट्रीय सदस्य आहेत.
काव्यमित्र संस्था, पुणे व्दारे आयोजित थोर कवयित्री बहिणाबाई चौधरी यांच्या जयंतीचे औचित्य साधून राष्ट्रीय कार्यक्रमात दि. 03 सप्टेंबर 2023 ला ”कोरोना संघर्षातील जीवनगाणे” या कोरोना काळातील मानवतेला प्रेरणा देणा-या कविता संग्रहास राष्ट्रीय बहिणाई काव्यप्रतिभा पुरस्कार 2023 जाहीर झाला. त्यांच्या कोरोनाशी लढणा-या, झुंज देणा-या पृथ्वीवरील सर्व लेकरांस समर्पीत असलेल्या जे भाग्योदय पब्लिशिंग हाउस, जयसिंगपूर येथून प्रकाशित कविता संग्रहास पुरस्कार जाहीर झाल्याबद्दल त्यांचे सर्वत्र अभिनंदन होत आहे.