बल्लारपूर (का.प्र.) : श्री संत तुकाराम महाराज सेवा मंडळ बल्लारपूर, बामणी तर्फे 3 जानेवारी क्रांती ज्योती सावित्री बाई फुले जयंती व 12 जानेवारी राष्ट्र माता जिजाऊ जयंती यांचे निमित्ताने दश रात्रौ उत्सव कार्यक्रम अंतर्गत जयंती समारोह साजरा करण्यात आला. परंपरागत वर्ण व्यवस्था अन्यायकारक विचार,यांचे विरोधात बहुजन महानायक, महानायिका यांनी केलेले कार्य, कर्तुत्व, दिलेल्या विचार सारणी स्वतंत्र समता बंधुता व न्याय देणारी व्यवस्था या मधून भारतीय संविधान चि मांडणी करण्यात आली. छत्रपती शिवाजी राजे स्वराज्य, महात्मा जोतिबा फुले यांचे विचार या मधून च आज भारतीय शासन व्यवस्था ला आपले कार्य लोकशाही मार्गाने पार पडावे लागते. हे आजच्या राजकीय मंडळी ने समजणे गरजेचे आहे. असे विचार या प्रसंगी व्यक्त करण्यात आले. जयंती कार्यक्रमाचे अनुसंधा ने विद्यार्थी व महिला चि उपस्थित भरपूर होती. या प्रसंगी त्यांनी सुद्धा आपले विचार मांडले. व विविध कलागुण सादर केले. या कार्यक्रमाचे अध्यक्ष म्हणून संत तुकाराम महाराज सेवा मंडळ चे पांडुरंग जरीले तसेच प्रमुख पाहुणे श्री मनोहरराव माडेकर, सौ वंदना पोटे, कमलताई वडस्कर, सुवर्णा कष्टी, सविता ढोके, विनायक साळवे, एम. यू. बोंडे प्रा.ल.के. बल्की नितीन वरारकर यांची उपस्थिती होती. कार्यक्रमाचे संचालन सौ. संध्या ताई खाडे यांनी केले. मनोहरराव माडेकर यांनी सखोल मार्गदर्शन केले. वसतिगृहातील मुलींनी व शिवण कला प्रशिक्षण केंद्राच्या मुलींनी आपले मनोगत, गीत व नृत्य सादर केले. कार्यक्रमाचे आयोजन यात संत तुकाराम महाराज युवा आघाडी व महिला आघाडी तसेच संत तुकाराम रोजगार निर्मिती केंद्र व संत तुकाराम मुलींचे वसतिगृह यांचा मोलाचा सहभाग लाभला. कार्यक्रमाचे संचालन सौ. सोनू खोब्रागडे यांनी तर आभार प्रदर्शन वंदना पोटे यांनी केले.