रोटरी क्लब भद्रावतीच्या दिवाळी उत्सवात कलाकारांना स्वतःमधील सुप्त गुण दाखवण्याची सुवर्णसंधी .. सहा इव्हेंटसाठी ऑडिशन 18 पासून ..!
भद्रावती (ता.प्र.) - रोटरी क्लबचा स्टेज आपल्याला मिळावा अशी अनेकांची आंतरिक इच्छा असते. याचाच विचार करून रोटरी क्लब भद्रावतीच्या सहा दिवसीय दिवाळी उत्सवात विविध सहा इव्हेंट्सचे आयोजन करून आपल्या जिल्ह्यातील कलाकारांना त्यांच्यातील सुप्त गुण दाखवण्याची संधी प्राप्त करून देण्यात आली आहे.रोटरी क्लब भद्रावती तर्फे 25 ते 30 ऑक्टोबर 2022 दरम्यान भद्रावती पोलीस स्टेशन जवळ असलेल्या क्रीडा संकुलात रोटरी महोत्सवाचे आयोजन करण्यात आले आहे. यामध्ये एकल नृत्य स्पर्धा, ग्रुप डान्स स्पर्धा, गीत गायन स्पर्धा. फॅशन शो स्पर्धा, फॅन्सी ड्रेस कॉम्पिटिशन व स्टॅन्ड अप कॉमेडी या सहा स्पर्धांचे आयोजन करण्यात आले आहे.
या स्पर्धांमध्ये प्रथम बक्षीस 3001/- रुपये ,द्वितीय बक्षीस 2001/- रुपये , तृतीय बक्षीस 1001/- रुपये असे बक्षीस ठेवण्यात आली आहे.सर्व स्पर्धांसाठी दिनांक 18 ला दुपारी बारा वाजता पासून अली पेट्रोल पंप जवळील सेलिब्रेशन हॉल येथे स्पर्धकांसाठी ऑडिशन आयोजित करण्यात आले आहे.यामध्ये सहाही इव्हेंट्स मध्ये प्रत्येकी दहा जणांची निवड केली जाणार आहे. निवड झालेल्या स्पर्धकांकडूनच प्रवेश फी घेण्यात येणार आहे.या स्पर्धकांना ऑडिशन मध्ये सहभागी व्हायचे आहे त्यांनी खालील भ्रमणध्वनीवर संपर्क साधून आपली नावे निश्चित करावी असे आवाहन रोटरी क्लब भद्रावतीच्या अध्यक्षा डॉ. माला प्रेमचंद, सचिव अनिल धानोरकर व कोषाध्यक्ष सुधिर पारधी यांनी केले आहे.
